Xətai Sənət Mərkəzində 20 yanvar hadisələrinə həsr olunmuş Respublika uşaq rəsm müsabiqəsinin yekun sərgisi keçirilib
Xətai Sənət Mərkəzində Mədəniyyət Nazirliyi, Təhsil Nazirliyi, Televiziya və Radio Verlişləri Qapalı Səhmdar Cəmiyyəti, Xətai Rayon İcra Hakimiyyəti, Rəssamlar İttifaqı, Naxçıvan Rəssamlar Birliyinin dəstəyi, Dövlət Rəsm Qalereyası və Xətai Sənət Mərkəzinin təşkilatçılığı ilə 20 yanvar hadisələrinə həsr olunmuş “AZADLIQ AŞİQLƏRİ GÜNÜ - 20 YANVAR” Respublika uşaq rəsm müsabiqəsinin yekun sərgisi keçirilib.
Müsabiqəyə respublikanın müxtəlif güşələrindən 400-ə yaxın uşaq, 600-ə qədər əsəri ilə qatılıb.
Tədbirə 210 uşağın hər birindən bir əsər olmaqla sərgilənmək üçün dəvət olunmuşdur.
Tədbirdə Xətai rayonu 147 saylı Texniki Humanitar liseyi xüsusi fəallıq göstərmişdir.
Sərgidə nümayiş üçün seçilən işlərin müəllifləri diplom və təşəkkürnamə ilə təltif olunub.
