15 iyun – Milli Qurtuluş Gününə həsr olunmuş “Böyük xilaskar” adlı onlayn görüş keçirilmişdir
14 iyun 2021-ci il tarixində Xətai rayon Gənclər və İdman İdarəsi və Nəsimi rayon Gənclər və İdman İdarəsi, 95 №li tam orta məktəbin birgə təşkilatçılığı ilə 15 iyun – Milli Qurtuluş Gününə həsr olunmuş “Böyük xilaskar” adlı onlayn görüş keçirilmişdir.
Görüşdə Millət vəkili, Azərbaycan Dillər Universitetinin sosial məsələlər və ictimaiyyətlə əlaqələr üzrə prorektoru, tarix üzrə fəlsəfə doktoru, dosent Tamam Cəfərova, Xətai Rayon İcra Hakimiyyəti başcısı aparatının ictimai siyasi və humanitar məsələlər şöbəsinin müdiri Pənah İmanov, Yeni Azərbaycan Partiyası Xətai Rayon Təşkilatının sədr əvəzi Yeganə Qurbanova, Xətai rayon Gənclər və İdman İdarəsinin rəisi Əfqan Rzayev, Nəsimi rayon Gənclər və İdman İdarəsinin rəisi Şahmar Tağıyev, 95 №li tam orta məktəbin direktoru Elçin Abdullayev, 95 №li tam orta məktəbdə fəaliyyət göstərən 1 nömrəli Uşaq-Gənclər İnkişaf Mərkəzinin Nitq mədəniyyəti dərnəyinin rəhbəri Fidan İsmayılova və dərnək üzvləri, yeniyetmə və gənclər iştirak etmişlər.
