Şriftin ölçüsü :

Saytın rəngi :

Vətən müharibəsi şəhidi Əliyev Eldar Süleyman oğlunun xatirə lövhəsinin açılışı olub.

13 oktyabr 2021 | 11:00

Oktyabrın 13-də Vətən müharibəsi şəhidi Əliyev Eldar Süleyman oğlunun anım günündə məzarı ziyarət olunub və   xatirə lövhəsinin açılışı olub.

Tədbirdə Xətai rayon İcra Hakimiyyətinin başçısı Rafiq Quluyev, AMEA-nın Neft Kimya prosesləri İnstitunun direktoru akademik Vaqif Abbasov,  şəhidin ailə üzvləri, qazilər, Vətən müharibəsi iştirakçıları və digər ictimaiyyət nümayəndələri iştirak ediblər.

Tədbirdə çıxış edən Xətai rayon İcra Hakimiyyətinin başçısı Rafiq Quluyev bildirib ki, Azərbaycan Ordusu   böyük şücaət göstərərək 44 gün ərzində ermənilərin 30 illik  “yenilməz, qalib ordu” mifini yerlə-yeksan ediblər: Qeyd edilib ki, Prezident İlham Əliyevin rəhbərliyi altında ölkəmizdə ordu quruculuğu istiqamətində həyata keçirilən uğurlu islahatlar, peşəkar zabitlərin yetişdirilməsi, hərbçilərin döyüş təcrübəsinin artırılması tarixi Zəfər qazanmağımızı şərtləndirən başlıca amillərdir.

Tədbirdə çıxış edən AMEA-nın Neft Kimya prosesləri İnstitunun direktoru Vaqif Abbasov qeyd edib ki, şəhidimizin timsalında bütün şəhidlərimizə borcluyuq. Çünki ən yeni tariximizi onlar öz qanları ilə yazdılar.

Digər çıxış edənlər şəhid ailələrinə və qazilərə göstərilən diqqət və qayğıya görə dövlət başçısı İlham Əliyevə  və Azərbaycanın Birinci vitse-prezidenti  Mehriban xanım  Əliyevaya  minnətdarlıqlarını bildiriblər. 

 Şəhidin xatirə lövhəsinin yerləşdiyi küçədə və valideynlərinin yaşadığı evdə  abadlıq və təmir  işləri aparılıb. 

Keçidlər