Xətai rayonundakı 13 saylı Uşaq Musiqi Məktəbində “28 May – Respublika Günü”nə həsr olunmuş tədbir keçirilib
26.05.2017-ci il tarixdə Xətai rayonundakı 13 saylı Uşaq Musiqi Məktəbində “28 May – Respublika Günü”nə həsr olunmuş tədbir keçirilib. Tədbirdə rayon İcra Hakimiyyəti başçısı aparatının İstimai-siyasi və humanitar məsələlər şöbəsinin müdiri Pənah İmanov, şöbənin baş məsləhətçiləri, Azərbaycanın xalq artisti Aftandil İsrafilov, əməkdar artistlər Elçin Həşimov və Elnur Əhmədov iştirak ediblər.
Tədbirdə çıxış edən natiqlər tədbirin mahiyyətindən bəhs edərək bildiriblər ki, 28 may 1918-ci ildə təməli qoyulmuş, müsəlman şərqində ilk dünyəvi demokratik dövlət olan Azərbaycan Xalq Cümhuriyyətinin yarandığı gündür.
1918-ci ilin may ayının 28-də Azərbaycan milli şurası İstiqlaliyyət bəyannaməsi - ilə Azərbaycanın şimal torpaqlarında Azərbaycan Demokratik cümhuriyyəti yarandığını elan edib.
Azərbaycan Demokratik Respublikası gərgin və mürəkkəb ictimai siyasi şəraitdə cəmi 23 ay fəaliyyət göstərib.Təəssüflər olsun ki, müstəqil Azərbaycan Cümhuriyyəti 2 yaşına dolmadan bolşeviklərin hücumuna məruz qalıb, müvəqqəti olaraq devrilib. Bolşeviklər tərəfindən devrilməsinə baxmayaraq istiqlal ideyası yenilməyib və 1991- ci ildə sovet imperiyasının dağılması ilə Azərbaycan yenidən öz müstəqilliyini elan edib.
Azərbaycanın dövlət müstəqilliyinin bərpasından sonra Heydər Əliyevin yenidən ölkə rəhbərliyinə qayıdışı ilə Azərbaycanın ictimai-siyasi, sosial, iqtisadi, elmi, mədəni həyatında, beynəlxalq əlaqələrində əsl dönüş yaranıb, elmi əsaslara, beynəlxalq norma və prinsiplərə uyğun dövlət qurucuıluğu prosesi başlanılıb. Bu gün regionun ən sürətli, ən dinamik inkişaf edən dövlətinə çevrilən Azərbaycan Prezident İlham Əliyevin apardığı uğurlu siyasət nəticəsində etibarlı və mühüm dövlət kimi bütün dünyada tanınır.
1990-cı ildən Respublika günü dövlət müstəqilliyinin bərpa edilməsi günü dövlət bayramı kimi qeyd edilir.
Tədbirin bədii hissəsində musiqi məktəbinin şagirdlərinin ifa etdiyi musiqilər qonaqlara və tədbir iştirakçılarına xoş anlar yaşadıb.
