XALQIN RİFAHINA VƏ ÖLKƏNİN İNKİŞAFINA XİDMƏT EDƏN SİYASƏT

        Xətai rayonu, 8 saylı uşaq poliklinikasında  Ölkə başçısının İlham Əliyevin “Qobustan və Şamaxı səfərləri” mövzusunda rayon ictimaiyyəti nümayəndələrinin, müəssisə və təşkilatların, ictimai birliklərin, Xətai və Əhmədli bələdiyyələrinin üzvlərinin iştirakı ilə tədbir keçirilmişdir.

Tədbirdə çıxış edən rayon İcra Hakimiyyətinin İctimai-siyasi və humanitar məsələlər şöbəsinin müdiri Pənah İmanov ölkə başçısı cənab İlham Əliyevin daxili siyasəti ilə yanaşı , uğurlu xarici siyasətindən, ölkəmizin dünya siyasətində rolundan və dünya iqtisadiyatına inteqrasiysından söz açdı. Bildirdi ki, İlham Əliyevin rəhbərliyi ilə Azərbaycan iqtidarının bugünki doğru siyasəti dünyada  ölkəmizin nüfuzunu günbəgün artırır, öz yeri və xüsusi çəkisi olan bir dövlətə çevirir. Bu gün artıq sosial-iqtisadi uğurlara imza atan ölkəmiz dünya iqtisadiyatına inteqrasiya edərək sərmayə alan ölkədən sərmayə qoyan ölkəyə çevrilmişdir.
       Ümummilli liderimiz Heydər Əliyev siyasi kursunun və ideologiyasının layiqli davamçısı, Azərbaycan Respublikasının dövlət başçısı cənab İlham Əliyevin və birinci vitse-prezidentimiz Mehriban xanım  Əliyevanın həyata keçirdiyi islahatlar və uğurlu siyasət vətəndaşımızın rifah halının daha da yaxşılaşmasına, dünya iqtisadiyyatına sürətlə inteqrasiyaya xidmət edir. Dövlət başçısının regionlara davamlı səfərləri də bu fəaliyyətin ayrılmaz hissəsidir.
Bir neçə gün əvvəl baş tutan  Şamaxı səfəri zamanı yeni yaradılan Şamaxı Safari Parkı  və Dəmirçi kəndində görülən işlərlə tanış olmuşdur. Həmçinin Prezident İlham Əliyev Pirqulu-Dəmirçi avtomobil yolunun, Şamaxı-Çöl-Göylər-Padar avtomobil yolunun və Şamaxı şəhərinin içməli su təchizatı layihəsinin və Qobustan rayonunun əsaslı təmir edilən Təklə-Südlü-Xilmilli avtomobil yolunun, yeni tikilmiş uşaq bağçasının və Bakı-Şamaxı-Muğanlı avtomobil yolunun 55-101-ci kilometrlik hissəsini əhatə edən Cəngi-Bədəlli yolunun açılışlarında iştirak etmişdir.