Şriftin ölçüsü :

Saytın rəngi :

XƏTAİ RAYONUNDA RAYON İCRA HAKIMIYYƏTİ BAŞÇISI YANINDA GENIŞ TƏRKIBDƏ MÜŞAVİRƏ KEÇİRİLDİ

25 yanvar 2018 | 11:00

25 yanvar 2018-ci il tarixdə rayon İcra Hakimiyyətinin Başçısı Razim Məmmədovun sədrliyi ilə geniş tərkibdə müşavirə  keçirildi.
Tədbirdə rayon İcra Hakimiyyəti aparatının məsul işçiləri,  rayon Mənzil Kommunal Təsərrüfat Birliyinin, Mənzil Kommunal İstismar Sahələrinin,  sahə və qəsəbə nümayəndəliklərinin, xidmət sahələrinin rəhbərləri, Xətai və Əhmədli bələdiyyələrinin sədrləri və digər əlaqədar təşkilatların nümayəndələri iştirak ediblər.

Müşavirədə əsasən butun sahələr üzrə rayon ərazisində abadlıq-quruculuq, yenidənqurma işləri, sosial-iqtisadi, tikinti-məişət işləri sahəsində həyata keçirilən müxtəlif layihələr, “Ağ şəhər” layihəsi çərçivəsində görülən işlər, Gəncə prospekti 20a, Kazımağa Kərimov 15 ünvanlarında köçürülmə, pilot layihələr,  SİƏD-lər tərəfindən həyata keçirilən  təsərrüfat uçot kitablarının işlənməsinin icra vəziyyəti, ağacəkmə ilə bağlı iməciliklərin daimi keçirilməsi, xidmət sahələrinin fəaliyyətində baş verən nöqsanlar və digər məsələlər geniş müzakirə olundu.
  Müşavirədə rayon İcra Hakimiyyətinin başçısı Razim Məmmədov tərəfindən işçilərin dövlət qulluqçusunun etik davranış normalarına ciddi riayət olunması, vətəndaşların şikayət və müraciətlərinə həssaslıqla yanaşılmasına diqqətiin daha da artırılması tapşırıldı.
Diqqətə çatdırıldı ki, rayon İcra Hakimiyyətində keçirilən qəbullarda, səyyar qəbullarda müraciətlər yerində araşdırılmalı, operativ qərarlar qəbul edilməli, tədbirlər görülməlidir. Xidmət sahələri də, bələdiyyə orqanları da dövlət müəssisələri ilə sıx əlaqədə işləməlidir.
Qəsəbə və sahə inzibati ərazi dairələri üzrə nümayəndəliklər ərazilərinə nəzarəti gücləndirməli, ərazinin sanitar təmizliyinə, qeyri-qanuni küçə ticarəti ilə mübarizəyə, xüsusən də, ərazilərdə müxtəlif iş adamları, vətəndaşlar tərəfindən qanunsuz ağac kəsimlərinin qarşısı ciddi şəkildə alınmalıdır.

Keçidlər