Xətai rayonunda akademik Zərifə Əliyevanın adını daşıyan uşaq bağçasında alimin anadan olmasının 95 illiyinə həsr olunan tədbir keçirildi
Xətai rayonunda görkəmli oftalmoloq-alim, akademik Zərifə Əliyevanın adını daşıyan uşaq bağçasında alimin anadan olmasının 95 illiyinə həsr olunan tədbir keçirildi.
Bağçanın müdiri Sevinc Musatafayeva əməkdar elm xadimi, tibb elmləri doktoru Zərifə Əliyevanın zəngin ömür yolundan, elmi-pedaqoji fəaliyyətindən, Azərbaycan səhiyyəsinin inkişafına verdiyi töhfələrdən danışdı.
Tədbirdə çıxış edən rayon icra hakimiyyəti başçısının müavini Jalə Abdiyeva bildirdi ki, Azərbaycan oftalmologiya elmini beynəlxalq aləmdə tanıdan yüksək intellekt sahibi, oftalmologiya sahəsi üzrə ilk qadın akademik Zərifə Əiyevanın elmi yaradıcılıq, praktik həkimlik sənəti ilə yanaşı, pedaqoji fəaliyyət və yeni oftalmoloqlar nəslinin yetişdirilməsi sahəsində də danılmaz xidmətləri var.
Sonda uşaqların ifasında ədəbi-bədii kompazisiya təqdim olundu.
