RAYON İCRA HAKİMİYYƏTİNDƏ VƏTƏNDAŞLARIN QƏBULU KEÇİRİLMİŞDİR

14 may 2018 | 11:00

14 may 2018-ci il tarixdə rayon İcra Hakimiyyətində vətəndaşların qəbulu keçirilib. Qəbulda rayon İcra Hakimiyyətinin başçısı Razim Məmmədov, İcra Hakimiyyəti başçısının müavinləri, aparatın şöbə müdirləri, başçının Sahə İnzibati Ərazi Dairələri üzrə nümayəndələri, Mənzil Kommunal Təsərrüfat Birliyinin, Mənzil İstismar Sahələrinin məsul işçiləri, rayon xidmət sahələrinin rəhbərləri iştirak ediblər.

Qəbulda ümumilikdə 15 vətəndaş iştirak etmişdir. Rayon sakinləri -Orxan İsgəndərov, Fazil Məmmədov, Bəsdi Penciyeva, Yaqub Məmmədov, Qönçə Səmədova, Əfruz İbrahimova, Leyla Mütəllomova, Zöhrə Əliyeva, Gülayə Osmanova. Xaliq Nəcəfov, Nəzakət İsmayılova, Gülzar dadaşova və digər sakinlər tərəfindən əsasən, sosial və kommunal məsələlərlə bağlı müraciətlər dinlənilmişdir.

Sakinlərə müraciətləri ilə bağlı müvafiq məlumatlar verilmiş, rayon İcra Hakimiyyətinin başçısı Razim Məmmədov və görüşdə iştirak edən rəsmi şəxslər sakinləri maraqlandıran sualları cavablandırmış, onları narahat edən məsələlərə aydınlıq gətirmişlər.

Sakinlər onlara verilən cavablardan və izahatlardan razı qaldıqlarını bildirmiş, göstərilən qayğıya görə minnətdarlıq etmişlər.

Keçidlər