Xətai rayonunda abadlıq və quruculuq işləri davam edir
Xətai Rayon İcra Hakimiyyətinin təşəbbüsü ilə həyata keçirilən abadlaşdırma və təmizlik tədbirləri davam edir. Əhalinin rahatlığını, asudə vaxtının səmərəli təşkilini və istirahətini təmin etmək məqsədilə rayon ərazisində abadlıq, quruculuq işləri, o cümlədən, binaların fasadlarının təmiri, park və meydançaların yaradılması, “Nümunəvi Həyət”lərin salınması geniş vüsət almışdır.
Növbəti abadlaşdırma işləri rayonun X.Məmmədov 4, 4a, Senyuşkin 13, 13/6, A.Cəlilov 11, F.Bayramov 5, Y.Səfərov 18, Xocalı 9/16, 11, küçələrində və Xocalı prospektində aparılır. Ərazidə yerləşən çoxmənzilli yaşayış binalarının girişlərində cari təmir-bərpa işləri aparılır, divarlar rənglənir, bloklar müasir tipli plastik pəncərələrlə təchiz edilir, bina girişlərinə dəmir-seyf qapılar qoyulur. Binaların ətrafında təmizlik işləri aparılır, məhəllədaxili ərazilər asfaltlanır, həyətlər abadlaşdırılır. Artıq bir neçə ünvanda inşası aparılan "Nümunəvi həyət"lərdə yekun tamamlama işləri aparılır.
.jpg)
