2 nömrəli sahə inzibati ərazi dairəsi üzrə nümayəndəliyin 2013-cü ilin yekunlarına dair hesabat yığıncağı keçirilmişdir.
23.01.2014-cü il tarixdə 254 saylı tam orta məktəbin akt zalında Xətai rayon İcra Hakimiyyətinin Başçısı Razim Məmmədovun, hüquq-mühafizə orqanlarının, xidmətlərinin rəhbərlərinin, təhsil, səhiyyə və mədəniyyət işçilərinin, iş adamlarının, ziyalıların, ağsaqqalların, Xətai Bələdiyyəsi üzvlərinin, sakinlərinin iştirakı ilə 2 nömrəli sahə inzibati ərazi dairəsi üzrə nümayəndəliyin 2013-cü ilin yekunlarına dair hesabat yığıncağı keçirilmişdir. Toplantıda 2 nömrəli sahə inzibati ərazi dairəsi üzrə Icra Hakimiyyəti Başçısının nümayəndəsi Məmməd Hüseynovun hesabat məruzəsi dinlənilmişdir. Bildirilmişdir ki, iş planına əsasən 2013-cü il ərzində xidməti ərazi üzrə yaşayış, sosial təyinatlı, təhsil-səhiyyə müəssisələrinin və digər obyektlərin su, qaz və istilik enerjisi ilə normal təchiz olunması üçün xidmət sahələrinin işlərinə ciddi nəzarət olunmuş, mühəndis kommunikasiya xətlərinin işlək vəziyyətdə saxlanılmasına tərəfimizdən nəzarət edilmişdir. Küçə və meydanların abadlaşdırılması, məhəllədaxili abad həyətlərin salınması, ərazinin sanitar təmizliyinə əməl olunması üçün tədbirlər görülmüş, ərazidə fəaliyyət göstərən Mənzil Kommunal İstismar Sahələrinin iştirakı ilə vaxtaşırı iməciliklər keçirilmiş, ərazidə ehtiyac olan yerlərdə ağac və gül kolları əkilmiş, yaşıllıqlar salınmış və onlara tərəfimizdən nəzarət edilmişdir. Hesabat dövrü ərzində rayon ərazisində aparılan genişmiqyaslı abadlıq , quruculuq və yenidənqurma işləri çərçivəsində Ramiz Quliyev küçəsindən başlayaraq Ukrayna dairəsinə qədər mərkəzi yolun kənarlarına yaşıllıq zolağı salınmışdır.
Rahib Məmmədov küçəsində sakinlərin istirahəti üçün yeni park istifadəyə verilmişdir. Bu parkda sakinlərin istirahəti üçün hər cür şərait yaradılmış, uşaq əyləncə elementləri quraşdırılmış, ana və uşaq kafesi inşa edilmişdir. Parkın ərazisində yaşıllıq salınmış, ağac və gül kolları əkilmişdir. Parkın mərkəzi hissəsində müasir tipli fəvvarə quraşdırılmışdır. Parkın ətrafında yerləşən binaların fasadları rənglənmiş, binaların həyətinə asfalt örtüyü vurulmuşdur. Parkın açılışında Azərbaycan Respublikasının Prezidenti cənab İlham Əliyev iştirak etmişdir .
Rayon ərazisində Mənzil Kommunal Təsərrüfatı Birliyinin və tabelikdə olan MKİS-lərin köməkliyi ilə bir çox ünvanlarda yaşayış binalarının ətrafında sakinlər tərəfindən zəbt olunmuş sahələr sökülmüş və həmin sahələr abadlaşdırılaraq sakinlərin istifadəsinə verilmişdir. Binaların həyətində salınmış abad həyətlərdə iməciliklər keçirilmiş və yaxınlıqda yaşayan sakinlərin istirahəti üçün şərait yaradılmışdır.
Hesabat dövründə yeni tədris ilinin başlanması ilə əlaqədar 249 saylı orta məktəbin əsaslı təmirdən sonra açılışı olmuşdur. Məktəbə gedən yolların kənarında yerləşən obyektlərin və məktəbin ətrafında olan binaların fasadları rənglənmiş və əhalinin rahat gediş-gəlişi üçün yolların və səkilərin asfalt örtüyü yenilənmişdir. Açılışda Azərbaycan Respublikanının Prezidenti cənab İlham Əliyev iştirak etmişdir.
Hesabat dövrü ərzində ərazidə yerləşən 315 saylı uşaq bağçası əsaslı təmir olunmuş, bağçanın ətrafında olan binanın fasad hissəsi rənglənmiş, yolları və səkilərə yeni asfalt örtüyü vurulmuş, işıqlandırılma sistemi yenilənmişdir. Bağçanın açılışında Heydər Əliyev Fondunun Prezidenti Mehriban xanım Əliyeva iştirak etmişdir.
Nümayəndəlik Cavanşir küçəsi 6 və 8 ünvanında yerləşən qəzalı vəziyyətdə olan yataqxanada yaşayan sakinlərlə görüşlər keçirmiş və mövcud olan problemlərlə yerində tanış olmuşdur.
2013-cü il ərzində “Azəryolservis” Açıq Səhmdar Cəmiyyəti , Bakı şəhər Mənzil Kommunal Təsərrüfatı Departamenti və Xətai rayon İcra Hakimiyyətinin təşəbbüsü ilə məhəllədaxili yol və səkilərə asfalt örtüyü vurulmuşdur. Cavanşir, Rahib Məmmədov, Xudu Məmmədov, Aşıq Ələsgər, Məhəmməd Hadi, Nəsirəddin Tusi, General Şıxlınski küçələrinə və məhəllədaxili yollara ümumilikdə 56.709 kv.metr asfalt örtüyü vurulmuşdur.
Xidməti ərazimizdə məişət tullantılarının yığılması üçün yeni meydançalar tikilmiş və ehtiyac olan meydançalarda Bakı şəhər Mənzil Kommunal Təsərrüfatı Departamenti tərəfindən verilən əlavə yeni konteynerlər yerləşdirilmişdir. Ərazidə yerləşən köhnə meydançalar təmir olunur, məişət tullantıları qrafik üzrə daşınır və nəzarət olunur.
Hesabat dövründə istilik mövsümünə hazırlıqla bağlı, “Azəristiliktəhcizat” Açıq Səhmdar Cəmiyyətinin rayon üzrə fəaliyyət göstərən təşkilatları tərəfindən məhəllə daxili xətlərin və zirzəmilərdə aşağı paylayıcı xətlərinin əsaslı təmiri işləri aparılmışdır. Mehmandarov və Şıxlinski ünvanlarında olan binaların istiliklə təchiz olunması üçün “Azəristiliktəchizat” Açıq Səhmdar Cəmiyyəti tərəfindən yeni tipli qazanxanalar tikilmiş və binaların zirzəmilərində istilik sisteminin aşağı paylayıcı xətləri əsaslı təmir olunmuşdur.
2013-cü ilin aprel ayından binalarda liftlərin yüksək keyfiyyətli yeni liftlərlə əvəz olunmasına başanılmışdır. Ərazimizdə olan Vunq Tau küçəsi 11, Nəsirəddin Tusi küçəsi 14, 31, 6, 18, Aşıq Ələsgər küçəsi 4 saylı ünvanlarda liftlərin yenisi ilə əvəz olunması işləri artıq başa çatdırılmışdır. Hal-hazırda Nəsrəddin Tusi küçəsi 2, Vunq Tau küçəsi 11a saylı binalarda yeni liftlər quraşdırılır.
Ötən müddət ərzində inzibati ərazimizdə küçə ticarətinə qarşı mübarizə tədbirləri gücləndirilmiş, rayon İcra Hakimiyyətinin və Baytarlıq idarəsinin əməkdaşları ilə birlikdə reydlər keçirilmişdir.
