Xətai rayonunda “Azərbaycan kinosu inciləri” adlı müsabiqə keçirilib
Azərbaycan Respublikası Prezidentinin 2017-ci il 15 sentyabr tarixli Sərəncamı ilə təsdiq edilmiş “Azərbaycan gəncliyi 2017-2021-ci illərdə” Dövlət Proqramının 5.4.3 bəndinə əsasən Mədəniyyət və incəsənət, rəssamlıq, musiqi, rəqs, kino,ədəbiyyat, foto, memarlıq, teatr və s. sahəsində gənc istedadlar üçün nəzərdə tutulmuş festival, müsabiqə və digər tədbirlərin təşkili məqsədilə Xətai rayonunda mütəmadi olaraq tədbirlər həyata keçirilir.
Rayonun 171 nömrəli tam orta məktəbində rayon məktəblərinin yuxarı sinif şagirdləri arasında keçirilmiş “Azərbaycan kinosu inciləri” adlı müsabiqə də bu qəbildəndir .
Müsabiqədə 6-11-ci sinif şagirdlərinin iştirakı ilə hər bir məktəb komandası tərəfindən milli kinolarımızdan səhnəciklər nümayiş olunmuşdur. Müsabiqənin nəticələrinə görə 55 və 261 nömrəli tam orta məktəblərin komandaIarı birinci yeri, 204 nömrəli tam orta məktəbin komandası ikinci yeri, Humanitar Fənlər Təmayüllü məktəb liseyin komandası isə üçüncü yeri tutmuşdur.
