Naximov küçəsində abadlıq işləri yekunlaşmaq üzrədir
Rayonumuzun ərazisində Tədbirlər Planına əsasən abadlıq-quruculuq və yaşıllaşdırma işləri davam etdirilir.
Növbəti abadlaşdırılan ərazi rayonun Naximov küçəsi olub. Küçə boyunca 5000 kv.m əraziyə yaşıllıq örtüyü salınıb, yaşıllıqları sulamaq üçün su xətti çəkilib, səkilərə döşəmə daşlar, 1500 kv.m əraziyə isə asfalt örtüyü vurulub,1000 ədəd zeytun və şam ağacı əkilib.
Küçə boyunca 4 yaşayış binasının giriş qapıları, pilləkən qəfəslərinin şüşələri dəyişdirilib, binaların fasadları rənglənib, balkonlar təmir olunub.
Ətrafdakı məişət obyektlər vahid formada müasir dizaynla yenilənib.
Naximov 33 saylı binanın həyətində müasir formalı basketbol meydançası yaradılıb, dəmir torla hasarlanıb, uşaqlar üçün əyləncə fiqurları quraşdırılıb, yaşıl örtüyün üzərində şahmat oynamaq üçün 6x6 m. ölçüdə şahmat meydançası düzəldilib. Parkın içərisində müasir işıqlandırma sistemləri quraşdırılıb, 2000 kv.m ərazidə daş döşənmiş səkilər yaradılıb, oturacaqların quraşdırılması işləri aparılır.
(1).jpg)
.jpg)
