Xətai rayonunda abadlıq işləri ilə yanaşı yaşıllaşdırma tədbirləri davam etdirilir
Rayonun simasının daha da gözəlləşməsi, yaşıllıqların çoxaldılması, ekoloji durumun yaxşılaşdırılmasının təmin edilməsi istiqamətində Xətai rayon İcra Hakimiyyəti tərəfindən davamlı olaraq ağacəkmə tədbirləri davam etdirilir. Abadlıq işləri aparılan küçələrdə, məhəllədaxili ərazilərdə quruculuq və təmizlik işləri ilə yanaşı olaraq yaşıllıq örtüklərinin salınması və ağac əkimi həyata keçirilir.
Hazırda təmizlik işləri çərçivəsində qurumuş otlar biçilir, alaq otları təmizlənir, ağacların dibləri bellənərək suvarılır. Rayonun Sadıqcan, M.Rüstəmov, İnqilab İsmayılov, Generan Mehmandarov və digər küçələrində həmişəyaşıl ağacların əkilməsi davam etdirilir.
Ümumilikdə yaz ağac əkini mövsümü başlayandan bu günədək ümumilikdə, 30000 kv. m ərazidə yaşıl örtük, 6000 ədəd dekorativ gül kolu, 5500 ədəd müxtəlifcinsli ağac əkilib.
