Xətai rayonunda ümumrayon iməciliyi keçirilib

01 avqust 2021 | 11:00

Son günlər Bakı şəhərində müşahidə olunan qeyri-sabit hava şəraiti paytaxt ərazisində təmizlik işlərinin aparılmasına ciddi zərurət yaratmışdır.Bununla əlaqədar Bakı Şəhər İcra Hakimiyyətinin təşəbbüsü ilə Xətai rayonunda da, ümumrayon iməciliyi keçirilib.

iməcilik zamanı prospekt və küçələrin, səkilərin kənarlarının, bordyurların və buradakı işıq dirəklərinin, məhəccərlərin, vitrin və reklam lövhələrinin yuyulması, ərazinin dezinfeksiyası, yol kənarlarına yığılan toz-torpağın təmizlənməsi həyata keçirilib. Bu işlərdə kommunal xidmət əməkdaşları ilə yanaşı sakinlər də yaxından iştirak ediblər.

Bakı Şəhər Yaşıllaşdırma Təsərrüfatı Birliyinin əməkdaşları və texnikası ağac və yaşıllıq zolaqlarını yuyaraq toz-torpaqdan təmizləyib, sınmış ağaclar budanıb, digər lazımı işlər həyata keçirilib.

Həmçinin Bakı Şəhər İcra Hakimiyyətinin müraciətinə cavab olaraq fərdi sahibkarlar və özəl sektor nümayəndələri tərəfindən çalışdıqları mağaza, ictimai iaşə və digər obyektlərin fasadları, vitrinləri yuyulub və obyektlərin qarşısı təmizlənib.

Keçidlər