Xətai rayonunda Vətən müharibəsində yaralanmış qazilərlə görüş keçirilib

Xətai rayon İcra Hakimiyyətində  Vətən müharibəsində yaralanmış qazilərlə görüş keçirilib. Tədbirdə Dövlət Himni səsləndirildi,  ölkəmizin ərazi bütövlüyü uğrunda canlarını fəda etmiş şəhidlərimizin əziz və unudulmaz xatirəsini bir dəqiqəlik sükutla yad edilib, bütün qazilərə şəfa dilənib.

Rayon İcra Hkimiyyətinin başçısı Rafiq Quluyev qonaqları salamlayaraq  Prezident, Müzəffər Ali Baş Komandan İlham Əliyevin rəhbərliyi ilə Silahlı Qüvvələrimizin 44 günlük Vətən müharibəsində əldə etdiyi tarixi Zəfərdən bəhs edib. Rafiq Quluyev şanlı tarix yazan vətən oğullarının qəhrəmanlığından, Silahlı Qüvvələrimizin misilsiz rəşadətindən, hərbçilərimizin əzmkarlığından, xalqımızın mübarizliyindən, danışaraq əldə olunan uğurları Prezident-Xalq birliyinin şərtləndirdiyini xüsusi vurğulayıb.O, ölkəmizin ərazi bütövlüyünün təmin olunması uğrunda hərbi əməliyyatlarda əsgər və zabitlərimizin göstərdikləri şücaətlərin hər birimizdə sonsuz iftixar hissi doğurduğunu qeyd edib.

YAP Xətai rayon təşkilatının sədri Vüqar Rəhimzadə çıxış edərək bildirib ki,  Prezident, Müzəffər Ali Baş Komandan cənab İlham Əliyev  və onun rəhbərlik etdiyi Azərbaycan Ordusunun əsgər və zabitləri böyük şücaət həyata keçirdilər. Artıq Qarabağ xalqımız üçün arzu deyil, reallıqdır. Bu reallığı yaradan və qələbəmizi təmin edən  Ali Baş Komandanımız cənab İlham Əliyev başda olmaqla, fədakar əsgər və zabitlərimizə  bütün Azərbaycan xalqı adından bir daha sonsuz minnətdarlığımızı bildirik.

Tədbirdə çıxış edən Vətən Müharibəsi Qəhrəmanı Anar Mirzəyev bildirib  ki, onlar Vətən və dövlət qarşısında öz vətəndaşlıq borclarını yerinə yetiriblər. Bununla belə, Azərbaycan xalqının dəstəyi, yüzlərlə, minlərlə gəncin könüllü döyüşlərə yollanması onlara əlavə güc verib. Qəhrəman qeyd edib  ki, bizim bu döyüşdə qələbədən başqa yolumuz yox idi.

Görüşdə  qazilər dinlənilib, onların sual və təklifləri nəzərə alınıb. Sonda  qazilərə hədiyyələr təqdim edilib, Vətən müharibəsi iştirakçıları isə onlara göstərilən diqqət və qayğıya görə öz minnətdarlıqlarını bildiriblər. Ardınca süfrə arxasında  səmimi söhbətlər aparılıb və Vətən müharibəsinin unudulmaz təəssüratları xatırlanıb.