Xətai rayonunda Ümummilli lider Heydər Əliyevin anım günü qeyd edilib
12 dekabr 2021-ci il tarixində Xətai rayonundakı Heydər Əliyev adına parkda müasir müstəqil Azərbaycan dövlətinin memarı və qurucusu, dünya şöhrətli siyasi xadim, xalqımızın ümummilli lideri Heydər Əliyevin anım mərasimi keçirilib.
Mərasimdə Xətai rayon İcra Hakimiyyəti başçısı Rafiq Quluyev, YAP Xətai rayon təşkilatının sədri Vüqar Rəhimzadə, Hüquq-mühafizə orqanlarının nümayəndələri və rayon ictimaiyyəti iştirak edib.
Tədbir iştirakçıları Ümummilli Lider Heydər Əliyevin abidəsi önünə gül dəstələri düzməklə öz dərin ehtiramlarını bildiriblər. Ulu öndərin ruhuna dualar oxunub.
Daha sonra tədbir iştirakçıları Fəxri xiyabana gələrək, ulu öndər Heydər Əliyevin xatirəsini dərin ehtiramla yad edib, məzarı önünə gül dəstələri qoyublar.
