Şəhid Şükürlü Elvin Azad oğlunun anım günü ilə əlaqədar şəhidin xatirə lövhəsinin qarşısında anım tədbiri keçirilib

Vətən Müharibəsində şəhidlik zirvəsinə ucalan   Şükürlü Elvin Azad oğlunun anım günü ilə əlaqədar məzun olduğu Xətai rayonu 221 saylı orta məktəbin şagirdləri Polad Həşimov küçəsində yerləşən "Şəhidlər" parkında şəhidin  xatirə lövhəsinin qarşısında anım tədbiri keçirmişlər.

Tədbirdə rayon İcra Hakimiyyətinin rəhbər şəxsləri, məktəbin müəllim və şagird kollektivi, ictimaiyyət nümayəndələri iştirak ediblər.
Tədbirdə şəhidlərin  xatirəsi yad edilib, şagirdlər tərəfindən vətənpərvərlik mövzusunda şeirlər və musiqilər səsləndirilib.
Şükürlü Elvin Azad oğlu  1997-ci ildə Cəlilabad rayonunda anadan olmuşdur. Orta təhsilini Cəlilabadın Şiləvəngə kəndində almışdır. 2011-2014-cü illərdə C.Naxçıvanskı adına Hərbi Liseydə təhsil alıb. 2014-2018-ci illərdə isə AAHM-də təhsil almış və 2018-ci ildə motoatıcı ixtisası üzrə AAHM-i leytenant rütbəsi ilə bitirmişdir. Elə həmin dövrdən 2020-ci il 28 sentyabra qədər Daşkəsəndə N saylı hərbi hissədə tağım komandiri kimi xidmət etmişdir.
Atası Azad Şəkərov, ehtiyyatda olan kapitandır, Qarabağ müharibəsi iştirakçısı və veteranıdır.
Qardaşı Elnur Şükürlü Azərbaycan Ordusunun zabitidir.
Elvin Şükürlü 27 sentyabr 2020-ci ildə başlayan Vətən müharibəsində iştirak etmiş,  Murovdağ uğrunda gedən döyüşlərdə itkin düşmüşdür.
Prezidezident İlham Əliyevin müvafiq Sərəncamları ilə Elvin Şükürlü ölümündən sonra “Rəşadət" orden”, "Vətən uğrunda" və "Kəlbəcərin azad olunmasına" , “İgidliyə görə” medalları ilə təltif edilib.
Şəhidimiz 2021-ci il yanvar ayının 22-də 2-ci Fəxri Xiyabanda dəfn olunmuşdur.