Ulu Öndər Heydər Əliyev irsinin tədrisi davam edir.

Müasir Azərbaycan tarixinin ümumtəhsil məktəblərində daha səmərəli öyrənilməsi məqsədi ilə Təhsil Nazirliyi tərəfindən müəyyən edilmiş “Ulu Öndər Heydər Əliyev müstəqil Azərbaycanın qurucusu və memarıdır” və “Ümummilli Lider Heydər Əliyevin ideyaları müasir Azərbaycanın sosial-iqtisadi inkişafının təminatçısıdır” mövzuları üzrə rayonun ümumtəhsil məktəblərinin 11-ci sinif şagirdlərinə dərslərin tədrisi davam etdirilir. Dərslər  may ayınadək rayonun bütün məktəblərində  11-ci sinif şagirdlərinə tədris olunacaq. Məşğələlər yüksək ixtisaslı tarix müəllimləri tərəfindən aparılır.
       Bu silsilədən olan növbəti tədbir 11 aprel 2014-cü il tarixdə YAP Xətai rayon təşkilatının binasında keçirildi.  Tədbirdə 59, 95, 64, 86, 17, 24, 25, 27, 56, 59, 63, 191 saylı tam orta məktəblərin şagirdləri iştirak edirdilər. 17 saylı orta məktəbin tarix müəlliməsi Soltanəliyeva Samirə “Təhsil siyasəti”,27 saylı orta məktəbin tarix müəlliməsi Qadaşova Mehriban “Ulu önder Heydər Əliyev milli neft strategiyasının banisidir” mövzularında mühazirələr söylədilər.Dərslər həm rus, həm də azərbaycan dillərində aparılırdı.
    Şagirdlərin böyük marağına səbəb olan dərs aktiv diskusiya və çoxsaylı sualların cavablandırılması şəraitində davam etdirildi.