Ulu Öndər Heydər Əliyev irsinin tədrisi davam edir.
Müasir Azərbaycan tarixinin ümumtəhsil məktəblərində daha səmərəli öyrənilməsi məqsədi ilə Təhsil Nazirliyi tərəfindən müəyyən edilmiş “Ulu Öndər Heydər Əliyev müstəqil Azərbaycanın qurucusu və memarıdır” və “Ümummilli Lider Heydər Əliyevin ideyaları müasir Azərbaycanın sosial-iqtisadi inkişafının təminatçısıdır” mövzuları üzrə rayonun ümumtəhsil məktəblərinin 11-ci sinif şagirdlərinə dərslərin tədrisi davam etdirilir. Dərslər may ayınadək rayonun bütün məktəblərində 11-ci sinif şagirdlərinə tədris olunacaq. Məşğələlər yüksək ixtisaslı tarix müəllimləri tərəfindən aparılır.
Bu silsilədən olan növbəti tədbir 15 aprel 2014-cü il tarixdə YAP Xətai rayon təşkilatının binasında keçirildi. Tədbirdə Heydər Əliyev adına lisey, Humanitar Fənlər təmayüllü məktəb-lisey və rayon ərazisində yerləşən məcburi köçkün məktəblərinin şagirdləri iştirak edirdilər. 147 saylı texniki-humanitar liseyin tarix müəlliməsi Məmmədova Gültəkin “İqtisadiyyatın liberallaşdırılması və özəlləşdirilməsi” mövzusunda mühazirə söylədi.
Şagirdlərin böyük marağına səbəb olan dərs aktiv diskusiya və çoxsaylı sualların cavablandırılması şəraitində davam etdirildi.
