116 saylı məktəbdə Zərifə Əliyevanın 91 illik yubileyinə həsr olunan tədbir keçirdi.

Görkəmli oftalmoloq-alim akademik Zərifə Əliyevanın anadan olmasının 91 illiyi Xətai rayonunda silsilə tədbirlərlə qeyd olunur. Bu tədbirlər çərçivəsində rayonun 116 saylı orta məktəbində alimin həyat və fəaliyyətinə həsr olunan tədbir keçirilib.
         Xətai rayon İcra Hakimiyyətinin təşkilatçılığı ilə keçirilən tədbirdə iştirakçılar əvvəlcə  şagirdlərin əl işlərindən ibarət sərgiyə baxdılar. Rayon İcra Hakimiyyətinin şöbə müdiri Kamran İsmayılov xalqımızın vətənpərvər övladı Zərifə Əliyevanın zəngin ömür yolundan, pedaqoji fəaliyyətindən, tibb elminə verdiyi dəyərli töhfələrdən danışdı. Qeyd etdi ki, ömrünün çox hissəsinin Azərbaycan elminə həsr edən görkəmli alimin səhiyyə sahəsində xüsusilə də oftalmologiya elminin inkişafında misilsiz xidmətləri var. Alimin zəngin irsinin öyrənilməsi və  anadan olmasının 91 illiyi münasibətilə rayon İcra Hakimiyyəti tərəfindən tədbirlər planı  hazırlanıb və bu plana əsasən, rayonda fəaliyyət göstərən müəssisələrdə alimin həyat və fəaliyyəti ilə bağlı tədbirlər keçirilir.
        Digər çıxış edənlər görkəmli alimin həm də nəcib, qayğıkeş insan, səmimi dost kimi yadda qaldıgıni vurğulayaraq bildirdilər ki, Zərifə Əliyeva peşəkar həkim olmaqla yanaşı, həm də ictimai xadim, millətinə, vətəninə, peşəsinə, ailəsinə bağlı bir ziyalı, xeyirxah əməllər sahibi kimi yaddaşlara həkk olunub. Ulu öndər Heydər Əliyevin  sədaqətli və ləyaqətli ömür –gün yoldaşı kimi ona həmişə dayaq olub.
      Sonda şagirdlərin ifasında ədəbi-bədii kompazisiya və  alimin həyat və fəaliyətindən bəhs edən foto çarx nümayiş olundu.