Xətai rayonunda Ulu Öndər Heydər Əliyevin irsinin tədrisi uğurla davam etdirilir.

Müasir Azərbaycan tarixinin ümumtəhsil məktəblərində daha səmərəli öyrənilməsi məqsədi ilə Təhsil Nazirliyi tərəfindən müəyyən edilmiş “Ulu Öndər Heydər Əliyev müstəqil Azərbaycanın qurucusu və memarıdır” və “Ümummilli Lider Heydər Əliyevin ideyaları müasir Azərbaycanın sosial-iqtisadi inkişafının təminatçısıdır” mövzuları üzrə rayonun ümumtəhsil məktəblərinin 11-ci sinif şagirdlərinə dərslərin tədrisi davam etdirilir. Dərslər  may ayınadək rayonun bütün məktəblərində  11-ci sinif şagirdlərinə tədris olunacaq. Məşğələlər yüksək ixtisaslı tarix müəllimləri tərəfindən aparılır.
       Bu silsilədən olan növbəti tədbir 25 aprel 2014-cü il tarixdə YAP Xətai rayon təşkilatının binasında keçirildi. Tədbirdə 55,56,63,116,88 saylı məktəblərinin şagirdləri iştirak edirdilər.
      Ulu Öndər Heydər Əliyev  haqqında xatirələrini bölüşmək üçün şagirdlərlə   görüşə  millət vəkili Hüseynbala Mirələmov  da gəlmişdi. Millət vəkili  öz çıxışında xalqımızın böyük oğlu Heydər Əliyevin keçdiyi şərəfli  həyat yolundan, xalqının rifahı, gözəl yaşaması, çiçəklənməsi üçün gördüyü əvəzsiz işlərdən danışdı və  bu dahi şəxsiyyətin bütün Azərbaycan gənclərinə gözəl nümunə olduğunu bildirdi.
Daha sonra 254 saylı məktəbin tarix müəllimi  Aslan Musayev “Azərbaycanın dövlət müstəqilliyinin bərpa edilməsi XX əsrdə xalqımızın ən böyük nailiyyətidir” və 138  saylı məktəbin tarix müəlliməsi  Şəlalə Əhmədova “Ulu öndər Heydər Əliyev və milli-mədəni irsimiz” mövzusunda mühazirə söylədilər.
       Şagirdlərin böyük marağına səbəb olan dərs aktiv diskusiya və çoxsaylı sualların cavablandırılması şəraitində davam etdirildi.