Xətai rayonunda Ulu öndərin xatirəsinə həsr olunmuş ağacəkmə aksiyası keçirilmişdir
Qarşıdan xalqımızın ulu öndəri, müasir Azərbaycan dövlətinin memarı və qurucusu Heydər Əliyevin 91 illik yubileyi gəlir. Bu münasibətlə ölkəmizdə müxtəlif məzmunlu tədbirlər keçirilməkdədir.
Bakının Xətai rayonunda da Heydər Əliyevin 91 illik yubileyi ilə bağlı ayrı-ayrı tədbirlər keçirilir.
Təşkil olunan tədbirlər silsiləsindən aprelin 26-da Xətai rayonunda “hərəyə bir ağac əkək” adlı kampaniyası keçirilmişdir. Xətai rayonunda ulu öndər Heydər Əliyevin adını daşıyan istirahət parkında keçirilən ağacəkmə aksiyasında rayon icra hakimiyyətinin başçısı Razim Məmmədov , Milli Məclisin deputatı Hüseynbala Mirələmov, rayon idarə, müəssisə ,təşkilatlarının kollektivləri ümümilikdə 3000 nəfər iştirak edirdilər. Aksiya çərçivəsində 3 mindən çox müxtəlif növ ağac və dekorativ kol əkildi. Biomüxtəlifliyin artırılması və rayonun florasının zənginləşdirilməsi məqsədilə Türkiyə, Bolqarstan, İspaniya, İtaliya və digər dövlətlərdən gətirilən gül və ağac kolları əkildi. Ağacların əkilməsi rayonun digər küçə və prospektlərində o cümlədən İnqilab İsmayılov,Nobel prospekti Zığ şosesi yolunda da aparıldı. Zeytunluq adlanan ərazidə aparılan aksiyaya rayon ərazisinə daxil olan müəssisələrin işçiləri ilə yanaşı ərazidə gəzintiyə çıxan sakinlər də qoşuldular. Burada əsasən ənənəyə uyğun olaraq zeytun ağacları əkildi. Dövlət proqramı çərçivəsində 2011-ci ildə Gəncə prospekti 63- 65 də baş verən torpaq şürüşməsinin fəsadları tam aradan qaldırlmışdır. Ərazidə bərkitmə işləri aparılıb və 4 mindən çox ağac əkilmişdir. Bütün bunlarla yanaşı rayonun təhsil səhiyyə müəssisələrində ulu öndər Heydər Əliyevin anadan olmasının 91 illiyi münasibətilə 91 ədəd ağac əkilib və ərazidə iməcliklər keçirilmişdir. Burada ağacların dibləri bellənib, zərərvericilərin qarşısını almaq məqsədilə ağaclar və kollar əhənglənmiş,ərazi zibil tullantılarından təmizlənmişdir. Rayonun abadlaşdırılması, təbiətin qorunması, ekoloji vəziyyətin yaxşılaşdırılması istiqamətində aparılan işlər hər həftə davam edəcəkdir.
