Akademik Zərifə Əliyevanın anadan olmasının 91 illik yubileyi qeyd olundu.
Görkəmli oftolmoloq-alim akademik Zərifə Əliyevanın anadan olmasının 91 illiyi Xətai rayonunda silsilə tədbirlərlə qeyd olunur. Bu tədbirlər çərçivəsində aprelin 26-da Mərkəzi Neftçilər Xəstaxanasında alimin həyat və fəaliyyətinə həsr olunan tədbir keçirildi.Xətai rayon icra hakimiyyətinin təşkilatçılığı ilə keçirilən tədbirdə xalqımızın vətənpərvər övladı Zərifə Əliyevanın zəngin ömür yolundan, pedaqoji fəaliyyətindən, tibb elminə verdiyi dəyərli töhfələrdən danışıldı.Rayon icra hakimiyyəti başçısının müavini Jalə Abdıyeva çıxış edərək ömrünün çox hissəsini Azərbaycan elminə həsr edən görkəmli alimin səhiyyə sahəsində xüsusilədə
oftalmologiya elminin inkişafında misilsiz xidmətləri olduğunu bildirdi. Alimin zəngin irsinin öyrənilməsi və anadan olmasının 91 illiyi münasibətilə rayon icra hakimiyyəti tərəfindən tədbirlər planı hazırlanmışdır. Rayonda fəaliyyət göstərən müəssisələrdə alimin həyat və fəaliyyəti ilə bağlı tədbirlər keçirilmişdir.Netçilər Xəstəxanasının baş direktoru Leyla Seyidbəyova və digər çıxışçılar görkəmli alimi həm də nəcib, qayğıkeş insan, səmimi dost kimi yadda qaldığını qeyd etdilər. Zərifə Əliyeva peşəkar həkim olmaqla yanaşı, həm də ictimai xadim, millətinə, vətəninə, peşəsinə, ailəsinə bağlı bir ziyalı, xeyirxah əməllər sahibi kimi yaddaşlara həkk olunduğu xüsusilə vurğulandı. Ulu öndər Heydər Əliyevin sədaqətli və ləyaqətli ömür–gün yoldaşı kimi ona həmişə dayaq olub.Rayonun digər tibb müassilərində də oftolmoloq-alim akademik Zərifə Əliyevanın anadan olmasının 91 illiyi münasibətilə tədbirlərin keçirilməsi nəzərdə tutulur.
