263 saylı məktəbdə hərbi vətənpərvərlik mövzusunda tədbir keçirildi.

Xətai rayon İcra Hakimiyyətinin təşkilatçılığı ilə  263 saylı orta məktəbdə “Şəhidlər unudulmur” mövzusunda tədbir keçirildi.
Xətai rayon İcra Hakimiyyətinin şöbə müdiri Kamran İsmayılov çıxış edərək, tədbirin əhəmiyyətindən danışdı və  əsas məqsədin gənc nəslə hərbi vətənpərvərlik tərbiyəsini aşılamaq, həmçinin məktəb şagirdlərinin ordu sıralarında xidmətə hazırlanmasında köməklik göstərilməsi olduğunu bildirdi. Bu  istiqamətdə rayon İcra Hakimiyyəti tərəfindən mühüm işlər görüldüyu vurğuladı. Məktəblərdə vətənpərvərlik  mövzusunda tədbirlərin təşkil edilməsi, cəsurlar və şahinlər hərbi idman oyunları və yazı inşa müsabiqələrinin keçirilməsi bu qəbildən olan işlər sırasındadır. Hazırda rayon ərazisində bir sıra hərbi təhsil müəsisələri, o cümlədən, Heydər Əliyev adına Ali Hərbi məktəb, Cəmşid Naxçıvanski adına Hərbi lisey fəaliyyət göstərir. Hər il Xətai rayonu ilə yanaşı respublikamızın digər bölgələrindən olan yüzlərlə gəncin bu təhsil ocaqlarına qəbul olma arzusu böyüməkdə olan nəslin vətənpərvərlik hissinin yüksək olmasının göstəricisidir.
      Tədbirdə çıxış edən yüksək rütbəli hərbçilər Ali Baş Komandan İlham Əliyevin rəhbərliyi altında ordu quruculuğu sahəsində həyata keçirilən  islahatlardan geniş söhbət açdılar və  bu mövzuda şagirdləri maraqlandıran sualları cavablandırdılar. Tədbir şagirdlərin vətənpərvərlik mövzusunda  hazırladıqları ədəbi-bədii kompazisiyanın nümayişi ilə davam etdi.