Xətai rayon ictimaiyyəti Heydər Əliyev mərkəzini ziyarət etdi.

Ümummilli lider Heydər Əliyevin anadan olmasının 91 illiyi münasibətilə rayonda silsilə tədbirlər davam edir. Bu münasibətlə 5 may 2014-cü il tarixdə Xətai rayon İcra Hakimiyyəti baçşısı Razim Məmmədov və YAP Xətai rayon təşkilatının sədri, millət vəkili Hüseyinbala Mirələmovun iştirakı ilə Xətai rayon İcra Hakimiyyətinin kollektivi, rayon bələdiyyələrinin, sahə və qəsəbə inzibati ərazi dairələri üzrə nümayəndəliklərin, təhsil, səhiyyə və mədəniyyət ocaqlarının, hüquq-mühafizə orqanlarının rəhbərləri və YAP Xətai rayon təşkilatının nümayəndələri Heydər Əliyev Mərkəzini ziyarət etdilər.
        Muzeydə toplanan məlumatlar ziyarətçilərə  interaktiv formada çatdırılır. Üç mərtəbədən ibarət muzeydə ümummilli lider Heydər Əliyevin həyat yolu, Ulu Öndər barədə maraqlı faktlar  foto və video materiallar vasitəsilə təqdim olunur. Muzey forma ilə yanaşı, məzmun orijinallığı ilə də seçilir. Burada materiallar iki paralel kontekstdə verilir.
       Muzeyin bələdçisi  ziyarətçilərin diqqətinə çatdırdı ki, Heydər Əliyev Mərkəzi dövlətçilik fəlsəfəsi və azərbaycançılıq məfkurəsinin dərindən öyrənilməsi, geniş təbliğ olunması və hərtərəfli inkişaf etdirilməsi məqsədi ilə yaradılıb. Mərkəz ölkənin ictimai-siyasi və mədəni həyatında mühüm rol oynayacaq beynəlxalq səviyyəli tədbirlərin, müxtəlif konfransların, sərgilərin və görüşlərin keçirilməsinə geniş imkanlar yaradır.
       Ziyarətçilərə ümummilli lider Heydər Əliyevin 1923-cü ildən 2003-cü ilədək  keçdiyi ömür yolu ilə yanaşı müxtəlif tarixi dövrlərdə Azərbaycanın ictimai-siyasi həyatında, mədəniyyət, iqtisadiyyat, idman sahələrində baş verən önəmli hadisələrdə rolu  barədə məlumatlar da   çatdırdı.
      Mərkəzin “Mini Azərbaycan” sərgi zalı ilə bağlı bidirildi ki, bu layihə Bakıda və regionlardakı tarixi memarlıq abidələrinin tanıdılması baxımından mühüm əhəmiyyət kəsb edir.
      Ziyarətçilər mərkəzdə xatirə şəkili çəkdirərək  zəngin təəssüratlarla ayrıldılar.