31 il sonra nəşinin qalıqları tapılan Birinci Qarabağ müharibəsi şəhidi Qasımov Veysəl Qasım oğlunun məzarı ziyarət olunub
16 noyabr 2023-cü ildə 31 il sonra Daşaltıda nəşinin qalıqları tapılaraq II Fəxri Xiyabanda dəfn edilən Birinci Qarabağ müharibəsi şəhidi Qasımov Veysəl Qasım oğlunun məzarı ziyarət olunub.
Tədbirdə rayon İcra Hakimiyyətinin başçısı Rafiq Quluyev, RİH aparatının kollektivi, bələdiyyə sədrləri, şəhidin ailə üzvləri və ictimaiyyət nümayəndələri iştirak ediblər. Tədbir iştirakçıları şəhidin ruhuna dualar edib, ehtiramlarını bildiriblər.
Daha sonra İcra başçısı şəhidin ailə üzvləri ilə söhbət edib, onların qayğıları ilə maraqlanıb. Şəhidin ailə üzvləri şəhid və qazi ailələrinə göstərilən diqqət və qayğıya görə ölkə başçısı İlham Əliyevə minnətdarlıqlarını bildiriblər.
Canı bahasına şanlı tariximizi yazan şəhidlərimizlə fəxr edirik, onların əziz xatirəsi xalqımızın qəlbində daim yaşayacaq!
