Xətai məktəblilərinin spartakiadası davam edir.
Xətai rayon icra hakimiyyəti və rayon Gənclər və İdman İdarəsinin təşkilatçılığı ilə 13-14 oktyabr 2014-cü il tarixlərdə 264 №li tam orta məktəbin bazasında rayon məktəblilərinin XXVII Spartakiadasının proqramına daxil olan qızlar arasında “4-Növçülük” idman növü üzrə yarış keçirilmişdir.Yarışlarda 15 komanda iştirak etmiş,hər komandanın tərkibi 6 nəfərdən ibarət olmuşdur. Yarışlarda birinci yeri 269 №li, ikinci yeri 138 №li, üçüncü yeri 204 №li tam orta məktəblərin komandaları tutmuşlar.
15-17 oktyabr 2014-cü il tarixlərdə isə həmin məktəbin bazasında oğlanlar arasında yarışlara start verilmişdir. Qeyd edək ki, yarışların proqramına 60 metr, 800 metr məsafəyə qaçış və tennis topunun uzaq məsafəyə atılması daxildir. Oğlanların yarışında birinci yerə 249 №li, ikinci yerə 269 №li, üçüncü yerə 17 №li tam orta məktəblərin komandaları layiq görülmüşlər.
Yarışlarda fəxri yerləri tutmuş komandalar rayon Gənclər və İdman İdarəsinin diplomları ilə mükafatlandırılmışlar.
Rayon turunda qalib gəlmiş məktəblərin komandaları Bakı şəhər məktəbliləri arasında keçiriləcək yarışlara vəsiqə qazanmışlar.
