Xətai rayonunda növbəti ümumrayon iməcliyi keçirilmişdir.
Xətai rayonu ərazisində 19 dekabr 2014-cü ildə ümumrayon iməciliyi keçirilmişdir. Təmizlik və abadlaşdırma işləri bu dəfə İnqilab İsmayılov , M.Hadi, G.Mehmandarov küçələrində aparılmışdır.
İməcilikdə vətəndaşlar tərəfindən qeyri-qanuni zəbt edilmiş yaşıllıq zonalarının çəpərləri sökülərək, məişət tullantılarından təmizlənmiş, ağacların budaqları budanmış, qeyri-qanuni tikililər sökülmüşdür.
Həmin ərazilərdə sakinlərin asudə vaxtını və istirahətini təmin etmək üçün abadlıq işlərinə başlanılmışdır. Həmçinin, insanların maneəsiz gediş-gəlişini təmin etmək məqsədilə yol kənarında olan yararsız səkilər bərpa olunmuşdur.
İməcilik və ağacəkmə kampaniyası bir sıra sənaye, təhsil, səhiyyə və mədəniyyət ocaqlarının ərazilərində də aparılmışdır.
