Spartakiadasının proqramı çərçivəsində Basketbol yarışları keçirilib
Xətai rayon İcra Hakimiyyəti və rayon Gənclər və İdman İdarəsinin birgə təşkilatçılığı ilə 01-11 dekabr 2015-ci il tarixlərdə 204 və 269 №li tam orta məktəblərin idman zalında rayon məktəblilərinin XXVIII Spartakiadasının proqramına daxil olan oğlanlar arasında “Basketbol” idman növü üzrə yarış keçirilmişdir.
Yarışda rayonun 18 məktəb komandası tərkibində 216 nəfər məktəbli iştirak etmişdir.Yarışın yekun nəticələrinə görə birinci yeri 269 №li, ikinci yeri 257 №li, üçüncü yeri 204 №li tam orta məktəblərin komandaları tutmuşlar.
Sonda fəxri yerləri tutmuş komandalar rayon Gənclər və İdman İdarəsinin diplomları ilə mükafatlandırılmışlar.
Rayon mərhələsində qalib gəlmiş məktəbin komandası fevral ayında “Basketbol” idman növü üzrə Bakı şəhər məktəbliləri arasında keçiriləcək yarışa vəsiqə qazanmışdır.
