Məktəblilər arasında rayon birinciliyi keçirilmişdir
18-19 dekabr 2015-ci il tarixlərdə Azərbaycan Respublikası Gənclər və İdman Nazirliyi, Azərbaycan Respublikası Təhsil Nazirliyi və Milli Olimpiya Komitəsinin birgə təşkilatçılığı ilə rayon Gənclər və İdman İdarəsi tərəfindən 264 nömrəli tam orta məktəbdə “Basketbol (3x3)” idman növü üzrə məktəblilər arasında rayon birinciliyi keçirilmişdir.
35 məktəbin iştirak etdiyi, IX-XI sinif şagirdləri arasında keçirilən yarışın yekun nəticəsinə görə birinci yerə 17 nömrəli, ikinci yerə 269 nömrəli, üçüncü yerə 86 nömrəli tam orta məktəblərin komandaları layiq görülmüşlər.
Fəxri yerləri tutmuş komandalar müvafiq dərəcəli diplomlar və kuboklarla mükafatlandırılmışlar. Yarışda ilk üç yeri tutmuş məktəblərin komandaları gələn ilin yanvar ayında keçiriləcək Bakı şəhər məktəbliləri arasında yarışda rayonumuzu təmsil etmək hüququ qazanmışdır.
