08.02.2013-cü il tarixində Xətai rayonunda“Səyyar Əmək yarmarkası” keçirilmişdir
Müasir dövrdə işaxtaranların əmək bazarına inteqrasiyasını asanlaşdırmaq tədbirləri aktuallığı ilə diqqət mərkəzindədir. 8 fevral 2013-cü il tarixdə mobil və çevikliyi, cəlb ediciliyi ilə fərqlənən “Səyyar Əmək Birjası” tədbiri Xətai rayonunda keçirilmişdir.Tədbirin keçirilməsi üçün işaxtaran vətəndaşların maarifləndirilməsinə daha çox ehtiyac duyulan ərazi kimi Əhmədli qəsəbə inzibati ərazi dairəsi seçilmişdir. Xətai rayon İcra Hakimiyyətinin və Dövlət Məşğulluq Xidmətinin təşkilatçılığı ilə keçirilən tədbirdə işaxtaran vətəndaşlara müasir texnologiyalar əsasında Bakı şəhərinin müxtəlif yerlərində, əsasən Xətai rayon ərazisində mövcud olan Dövlət və özəl müəssisələrdə boş iş yerləri haqqında məlumatlar təqdim edilmiş, maarifləndirici bukletlər və informasiyalar işaxtaranların ixtiyarına verilmişdir. Bundan əlavə, işaxtaran vətəndaşlara fərdi yanaşma yolu ilə müvafiq məsləhətlər verilmişdir. Tədbirdə işaxtaran şəhər vətəndaşları müxtəlif məşğulluq xidmətləri, o cümlədən peşəyönümü və peşə kursları barədə məlumatlar əldə etmişlər.Ümumilikdə 68 göndəriş verilmiş, 21 nəfər işə qəbul olunmuş, 4 nəfər peşə kurslarına cəlb olunmuşdur.
