“Heyvanlara qayğı uşaqların gözü ilə” adlı rəsm sərgisinin iştirakçıları mükafatlandırıldı
Yeniyetmələrin 23 nömrəli Yaradıcılıq Mərkəzində Xətai Rayon İcra Hakimiyyəti, rayon Gənclər və İdman İdarəsi, Xətai Rayon Bələdiyyəsi və Yeniyetmələrin 23 nömrəli Yaradıcılıq Mərkəzinin birgə təşkilati dəstəyi ilə keçirilən “Heyvanlara qayğı uşaqların gözü ilə” adlı rəsm sərgisinin mükafatlandırma mərasimi keçirildi.
Tədbirdə layihə rəhbəri- Xətai Rayon Bələdiyyəsinin üzvü Səbinə Abdullayeva layihə haqqında ətraflı məlumat verdi və tədbirin təşkil olunmasında dəstəyi olan qurumlara öz təşəkkürünü bildirdi.
Daha sonra Xətai Rayon İcra Hakimiyyəti başçısı aparatının İctimai siyasi və humanitar məsələlər şöbəsinin müdiri Pənah İmanov, Yeni Həyat Humanitar və Sosial Dayaq İctimai Birliyinin sədri Nailə ismayılova, “Dədə Qorqud” Milli Fondunun rəhbəri Eldar İsmayılov və Yeniyetmələrin 23 nömrəli Yaradıcılıq Mərkəzinin direktoru Könül Hüseynova çıxış edərək bu cür layihələrin sayəsində gənclərin özünü ifadə və təsdiq etmək üçün gözəl imkanlar əldə etdiklərini və həmçinin onlarda təbiətə, heyvanlara qayğı haqqında yeni fikirlər formalaşdığını xüsusi olaraq vurğuladılar.
Sonda layihə iştirakçılarına sertifikat və hədiyyələr təqdim olundu.
