Rayon İcra Hakimiyyətində qəbul keçirilmişdir
13 aprel 2017-cı il tarixdə rayon İcra Hakimiyyəti başçısının növbədən kənar qəbulu keçirilib. Qəbulda rayon İcra Hakimiyyəti başçısının müavini, şöbə müdirləri iştirak ediblər.
Rayon İcra Hakimiyyəti başçısı Razim Məmmədov rayon İcra Hakimiyyətinə müraciət edən vətəndaşlar Alışov Alış İgid oğlu və onun qızı Alışlı Aysel Alış qızını qəbul etmişdir. Ailə üzvləri və özünün işsizlik problemi olduğunu bildirən və iş ilə təmin olunması ilə bağlı müraciət edən vətəndaşa müvafiq izahat verilmişdir. Həmçinin, aidiyyatı şəxslərə ailənin vəziyyəti ilə daha yaxından maraqlanaraq mümkün köməklik edilməsi üçün göstərişlər verilmiş, ailə üzvlərinin iş ilə təmin olunmasına köməklik məqsədilə aidiyyatı təşkilatlarla birgə tədbirlər görülməsi tapşırılmışdır.
Vətəndaşlar onlara verilən cavablardan və izahatlardan razı qaldıqlarını bildirmiş, göstərilən qayğıya görə minnətdarlıq etmişlər.
