XƏTAİ RAYONUNDA APREL DÖYÜŞLƏRİNİN İLDÖNÜMÜNƏ HƏSR OLUNMUŞ “QƏLƏBƏYƏ APARAN YOL” ADLI TƏDBİR KEÇİRİLDİ

18 aprel 2017-ci il tarixdə  Xətai rayonundakı 221 nömrəli tam orta məktəbdə  şagirdlərə  hərbi vətənpərvərlik tərbiyəsinin  aşılanması məqsədi ilə “Qələbəyə aparan yol” mövzusunda   tədbir keçirildi.
   Tədbirdə Xətai rayon İcra Hakimiyyətinin İctimai-Siyasi və Humanitar məsələlər şöbəsinin  müdirinin müavini Məhəmməd İbrahimov, Qarabağ müharibəsi veteranları, ehtiyatda olan zabitlər, məktəbin müəllim və şagird kollektivi iştirak ediblər.
Məktəbin müəllimi  Rəşad Bədəlov tərəfindən  hazırlanan tədbir 2016-cı ilin məlum aprel hadisələri zamanı Azərbaycan Silahlı Qüvvələrinin işğal olunmuş torpaqlarımızın azad olunması uğrunda   göstərdikləri qəhrəmanlıqlara həsr olunmuşdu. Tədbirdə Aprel döyüşləri zamanı Milli ordumuzun şəhid olan  əsgər və zabitlərinin foto şəkilləri nümaiş etdirildi və onların əziz xatirəsi hörmətlə yad edildi.
Tədbirdə çıxış edənlər Ölkə Prezdenti cənab İlham Əliyevin aprel döyüşlərini və Lələtəpə yüksəkliyinin işğaldan azad edilməsinin  “Qələbəyə aparan yol”un başlanğıcı olduğu fikri bir daha  vurğuladılar.
Məktəb şagirdlərinin döyüş səhnələrini əks etdirən çıxışları, söylədikləri vətənpərvəlik ruhlu şeirlər tədbir iştirakçıları  tərəfindən rəğbətlə qarşılandı.
Tədbir çərçivəsində  Aprel döyüşlərinə həsr olunmuş film nümaiş etdirildi.