Dövlət orqanlarında ictimai iştirakçılığın genişləndirilməsi və ictimai şuranın fəaliyyətinin səmərəliliyinin artırılması məqsədilə rayon İcra Hakimiyyəti yanında İctimai Şuranın iclası keçirilib

Dövlət orqanlarında ictimai iştirakçılığın genişləndirilməsi və ictimai şuranın fəaliyyətinin səmərəliliyinin artırılması məqsədilə 20.10.2024-cü il tarixdə Xətai rayon İcra Hakimiyyəti yanında İctimai Şuranın iclası keçirilib.  

İclası giriş sözü ilə açan Xətai rayon İcra Hakimiyyəti yanında İctimai Şuranın sədri Mürvət Əsgərov bildirib ki, Prezident İlham Əliyevin bu sahəyə göstərdiyi diqqət sayəsində Azərbaycanda vətəndaş cəmiyyəti institutlarının fəaliyyəti genişlənib, QHT-lər dövlət idarəçiliyi və qanun yaradıcılığı prosesinin iştirakçısına çevriliblər. Xətai rayon İcra Hakimiyyətinin qeyri-hökumət təşkilatları ilə yaxından əməkdaşlıq etdiyini diqqətə çatdıran natiq yaradılan İctimai Şuranın bu sahədə görəcəyi işlərin əhəmiyyətindən danışıb. Mürvət Əsgərov İctimai Şuranın üzvlərinə rayon İcra Hakimimiyyəti ilə ictimaiyyət arasında səmərəli qarşılıqlı fəaliyyətin təşkili, onun fəaliyyətində aşkarlığın və şəffaflığın təmin olunması, dövlət siyasətinin formalaşması və qərarların qəbulu zamanı ictimai rəyin və vətəndaşların qanuni maraqlarının nəzərə alınması, əsas insan və vətəndaş hüquqlarının müdafiəsi kimi məqsədlərin həyata keçirilməsi istiqamətlərindəki fəaliyyətlərində uğurlar arzulayıb.

Çıxış edən şura üzvləri şuranın fəaliyyəti dövründə qeyri-hökumət təşkilatları ilə yaxından əməkdaşlıq ediləcəyini, İctimai Şuranın bu sahədə atılan növbəti addım kimi dəyərləndiriləcəyini və İctimai Şuranın üzvlərinə ictimaiət arasında  səmərəli qarşılıqlı fəaliyyətin təşkili, aşkarlığın və şəffaflığın təmin olunması, dövlət siyasətinin formalaşması və qərarların qəbulu zamanı ictimai rəyin və vətəndaşların qanuni maraqlarının nəzərə alınması, əsas insan və vətəndaş hüquqlarının müdafiəsi kimi məqsədlərin həyata keçirilməsi istiqamətindəki fəaliyyətlərində  uğurlar arzulayıblar.

Sonra rəy və təkliflər səsləndirilib.