Heydər Əliyevin 100 illik yubileyinə həsr olunmuş konsert proqramı təşkil olunub
Xətai rayonu, Heydər Əliyev adına istirahət parkının amfiteatr səhnəsində Xətai rayon İcra Hakimiyyətinin təşkilatçılığı, Xətai rayon Mədəniyyət Mərkəzi, Gənclərin Respublika Bədii Yaradıcılıq Evi və “Səma” rəqs ansamblın iştirakı ilə rayon sakinləri üçün Ümummilli lider Heydər Əliyevin 100 illik yubileyinə həsr olunmuş konsert proqramı təşkil olunub.
VIII “Muğam” Televiziya Müsabiqəsinin qalibi Həzrət Əzizli və həmin müsabiqənin diplomantı Ədilə Əliyeva, tanınmış gənc ifaçı - Hacıağa Bağırov, Xətai rayon Mədəniyyət Mərkəzini təmsil edən ifaçılar - Əli Əzizoğlu, Rəhman Mirzəzadə, Şəms Sərdarlı, Aysel Abilova, Kənan Məmmədov, Nahid Mirzəzadə, Mədinə Əsgərova və Mirfərhad Həbibi tamaşaçılara biri-birindən maraqlı ifalar təqdim ediblər.
"Səma" rəqs ansamblının və Gənclərin Respublika Bədii Yaradıcılıq Evinin “Həyat” rəqs qrupunun kiçik rəqqaslarının təqdim etdiyi rəqs nömrələri tamaşaçılar tərəfindən sürəkli alqışlarla qarşılanıb.
Konsert proqramı fərqli ifalar və aparıcının səmimi söhbətləri ilə rayon sakinlərinin yay bayramına çevrilib.
