Həzi Aslanovun anım günü münasibətilə 59 saylı məktəbdə tədbir keçirilib
24 yanvar 2023-cü ildə 59 nömrəli tam orta məktəbdə iki dəfə Sovet İttifaqı Qəhrəmanı Həzi Aslanovun anım günü münasibətilə tədbir keçirilib, abidəsi ziyarət olunub. Tədbir şəhidlərin əziz xatirəsinin bir dəqiqəlik sükutla yad edilməsi ilə başlanıb.
Tədbirdə Sovet İttifaqı Qəhrəmanı Həzi Aslanovun şücaətindən söhbət açılıb, bildirilib ki, xalqımızın igid övladı, Böyük Vətən müharibəsinin iştirakçılarından olan Həzi Aslanovun qəhrəmanlıqla dolu həyat yolu hər bir vətəndaşımız üçün nümunədir. Qeyd olunub ki, 1941-ci ilin iyununda müharibənin od-alovları içərisinə atılan qəhrəman həmyerlimizin komandanlıq etdiyi tank briqadası Donbas, Moskva, Xarkov, Stalinqrad, Taqanroq, Kursk və digər ərazilərin faşizmdən azad olunmasında fəal iştirak edib. Həzi Aslanov 34 yaşında Sovet İttifaqı Qəhrəmanı adına və general rütbəsinə layiq görülüb. Onun adı qəhrəmanlıq simvoluna çevrilib.
Daha sonra şagirdlərin təqdimatında vətənpərvərlik mövzusunda bədii hissə nümayiş olunub.
Məktəblilər Həzi Aslanov kimi cəsur qəhrəmanlarla fəxr etdiklərini bildiriblər.
