Vətən Müharibəsi şəhidi Niftəlizadə Niyamin Xaliq oğlunun anım günü qeyd edilib
09 oktyabr 2023-cü ildə Vətən Müharibəsi şəhidi Niftəlizadə Niyamin Xaliq oğlunun anım günündə Dədə Qorqud Şəhidliyində məzarı ziyarət olunub.
Tədbirdə rayon İcra Hakimiyyətinin başçısı Rafiq Quluyev, YAP Xətai rayon təşkilatının sədri Vüqar Rəhimzadə, RİH aparatının kollektivi, bələdiyyə sədrləri, şəhidin ailə üzvləri və ictimaiyyət nümayəndələri iştirak ediblər. Tədbir iştirakçıları şəhidin ruhuna dualar edib, ehtiramlarını bildiriblər.
Daha sonra İcra başçısı şəhidin ailə üzvləri ilə söhbət edib, onların qayğıları ilə maraqlanıb. Şəhidin ailə üzvləri şəhid və qazi ailələrinə göstərilən diqqət və qayğıya görə ölkə başçısı İlham Əliyevə minnətdarlıqlarını bildiriblər.
Daha sonra şəhidin xatirə lövhəsinin qarşısında 191 saylı tam orta məktəbin şagirdlərinin iştirakı ilə anım tədbiri keçirilib.
Canı bahasına şanlı tariximizi yazan şəhidlərimizlə fəxr edirik, onların əziz xatirəsi xalqımızın qəlbində daim yaşayacaq!
