Vətən Müharibəsi şəhidi Şahmarlı Vüsal Mərdan oğlunun xatirəsi anılıb
11 oktyabr 2023-cü ildə 138 saylı tam orta məktəbdə şəhidin xatirə lövhəsinin qarşısında Vətən Müharibəsi şəhidi Şahmarlı Vüsal Mərdan oğlunun xatirəsi anılıb.
Tədbirdə Xətai rayon İcra Hakimiyyətinin Vətən Müharibəsi İştirakçıları və Şəhid Ailələri ilə İşin Təşkili şöbəsinin müdiri Anar Məmmədov, şəhidin ailə üzvləri və məktəblilər iştirak ediblər.
Anar Məmmədov çıxışında şəhidin qəhrəmanlığından söhbət açıb, ölkəmizdə aparılan siyasətin şəhidlərimizə, Milli qəhrəmanlarımıza, qazi və şəhid ailələrinə sonsuz ehtiramın nümunəsi olduğunu bildirilib.
Məktəblilər vətənpərvərlik mövzusunda şeirlər və çıxışlar söyləyiblər.
Şəhidin ailə üzvləri şəhid və qazi ailələrinə göstərilən diqqət və qayğıya görə ölkə başçısı İlham Əliyevə minnətdarlıqlarını bildiriblər.
