Vətən Müharibəsi şəhidi Ulubəyov Nurəhməd Hacıbəy oğlunun xatirəsi anılıb

Anım günü ilə əlaqədar  II Fəxri Xiyabanda şəhidimizin məzarı ziyarət edilib. Tədbirdə rayon İcra Hakimiyyətinin  Vətən Müharibəsi İştirakçıları və Şəhid Ailələri ilə İşin Təşkili şöbəsinin müdiri Anar Məmmədov,  ailə üzvləri və yaxınları iştirak ediblər. Şəhidinin ruhuna dualar oxunub, məzarı qarşısına, tər gül-çiçək dəstələri düzülüb.

Ulubəyov Nurəhməd Hacıbəy oğlu 2 iyun 1995-ci ildə Bakı şəhərində anadan olub. 2001-2012-ci illərdə Xətai rayonu 25 nömrəli tam orta məktəbdə orta təhsil alıb. Elə həmin ildə M.V.Lomonosov adına Moskva Dövlət Universitetinin Bakı filialının İqtisadiyyat fakultəsinə daxil olub. Ali təhsilini başa vurduqdan sonra 2016-2017-ci illərdə həqiqi hərbi xidmətdə olub. 27 sentyabr 2020-ci ildə başlayan Vətən müharibəsinə könüllü olaraq qatılıb. Füzuli-Cəbrayıl-Xocavənd istiqamətində döyüşlərə qatılır. 7 oktyabr 2020-ci ildə Füzuli uğrunda gedən döyüşlərdə şəhid olub. Ulubəyov Nurəhməd ölümündən sonra "Vətən uğrunda", "Cəbrayılın azad olunmasına görə" medalları ilə təltif edilib. Şəhidimiz 9 oktyabr 2020-ci ildə II Fəxri Xiyabanda dəfn edilib.

Anım tədbirində Rayon İcra Hakimiyyətinin  Vətən Müharibəsi İştirakçıları və Şəhid Ailələri ilə İşin Təşkili şöbəsinin müdiri Anar Məmmədov şəhidin ailəsinə başsağlığı verərək belə  vətənpərvər övlad böyütdükləri üçün onlara dərin minnətdarlıqlarını bildirib. Qeyd edilib ki, xalqımız,millətimiz, Vətənimiz uğrunda canlarını qurban vermiş şəhidlərimizin əziz xatirəsi həmişə qəlbimizdə yaşayacaq.

Şəhidin ailə üzvləri onlara göstərilən  diqqət və qayğıya görə  təşəkkür ediblər.

Vətən uğrunda canını fəda etmiş Şəhidlərimizin xatirəsini hörmətlə anır,  Allahdan rəhmət diləyirik!