Vətən Müharibəsi şəhidləri Əsgərov Rüfət Mürvət oğlunun və Rzayev Vüsal Tofiq oğlunun anım günü qeyd edilib.

14 oktyabr 2022-ci ildə Vətən Müharibəsi şəhidləri Əsgərov Rüfət Mürvət oğlunun və Rzayev Vüsal Tofiq oğlunun anım günü qeyd edilib.

Rayon İcra Hakimiyyətinin başçısı Rafiq Quluyev, Heydər Əliyev adına Azərbaycan Ali Hərbi Məktəbinin rəisi, general-mayor Füzuli Salahov, Vətən Müharibəsi Qəhrəmanı polkovnik Nizami Mövlanov, YAP Xətai rayon təşkilatının sədri Vüqar Rəhimzadə,  Hüquq-mühafizə orqanlarının nümayəndələri, şəhidlərin ailə üzvləri və ictimaiyyət nümayəndələri II Fəxri Xiyabanda Əsgərov Rüfət Mürvət oğlunun anım gününü qeyd ediblər. Tədbir şəhidlərimizin əziz xatirəsinin bir dəqiqəlik sükutla yad edilməsi ilə başlanıb. Hərbi Orkestrin ifasında Azərbaycan Respublikasının Dövlət Himni səsləndirilib. Şəhidlərimizin ruhuna dualar oxunub, məzarları üzərinə əklil və tər güllər düzülüb.

Mərasimdə çıxış edən Xətai Rayon İcra Hakimiyyətinin başçısı Rafiq Quluyev bildirib ki, Vətən müharibəsi bi,zim böyük zəfərimizlə bitdi. Zəfərimizə mənəvi məna verən isə 28 il işğal altında olan torpaqlarımızın hərbi döyüşlərlə azad edilməsi oldu.  Uzun illərdən bəri düşmən tapdağı altında qalmış torpaqlarımızın işğaldan azad edilməsi ilk növbədə  Azərbaycan xalqının özünə inamını qaytardı, xalqın öz liderinə, onun gücünə etibarını daha da möhkəmləndirdi. Bu qələbəni bizlərə yaşadan şəhidlərimizin əziz xatirəsi  xalqımızın qəlbində və yaddaşında əbədi yaşayacaq.
Daha sonra çıxış edənlər- YAP Xətai rayon təşkilatının sədri  Vüqar Rəhimzadə və digərləri  Azərbaycan Ordusunun 44 gün davam edən hərbi əməliyyatlar zamanı işğalçı Ermənistanın silahlı qüvvələrini darmadağın edərək, böyük zəfərə imza atmasından söz açıb, haqq yolunda ölümün gözünə dik baxan şəhidlərimizə Allahdan rəhmət diləyiblər. 

Tədbir iştirakşıları daha sonra Dədə Qorqud Şəhidliyində uyuyan Rzayev Vüsal Tofiq oğlunun və digər Vətən övladlarımızın məzarlarını ziyarət edib, məzarları üzərinə gül dəstələri qoymuş, onların  ailələri ilə söhbət edərək qayğıları ilə maraqlanmışlar.
Şəhidlərin ailə üzvləri göstərilən diqqət və qayğıya görə minnətdarlıqlarını bildiriblər.

Allah şəhidlərimizə rəhmət eləsin!