Xətai rayonunda iməcilik keçirilib.
17.12.2022-ci il tarixdə Xətai rayonunda təmizlik və abadlıqla bağlı iməcilik keçirilib.
İməcilik çərçivəsində parklarda, bağlarda, abad həyətlərdə abadlıq və təmizlik işləri aparılıb, yaşıllıqlar suvarılıb, eyni zamanda küçə və prospektlərdə yolkənarı səkilər, məhəccərlər, işıq dirəkləri, reklam lövhələri, tullantı konteynerləri yuyularaq təmizlənib. İməcilikdə həm də prospekt və küçələr boyunca yerləşən ictimai iaşə, ticarət və digər obyektlərin vitrinləri, köşklər və avtobus dayanacaqları yuyulub, ətrafı təmizlənib. İctimai iaşə, mağaza və digər obyektlərin əməkdaşları öz obyektlərinin fasad və vitrinlərinin yuyulması, onların qarşısında səliqə-sahman yaradılması işlərində fəallıq göstəriblər.
Hazırda rayon ərazisində ayrı-ayrı ünvanlarda abadlıq, quruculuq və yenidənqurma işləri davam edir.
