Xətai rayonunda Ulu Öndər Heydər Əliyevin anadan olmasının 101-ci ildönümünə həsr olunmuş “FEST101” festivalı keçirilib
Mayın 10-da Xətai rayonunda Azərbaycan Respublikasının Gənclər Fondunun dəstəyi və Azərbaycan Tələbə Gənclər Təşkilatları İttifaqının (ATGTİ) təşkilatçılığı ilə Ulu Öndər Heydər Əliyevin anadan olmasının 101-ci ildönümünə həsr olunmuş “FEST101” festivalı keçirilib.
Festivalda minlərlə tələbə gənclər iştirak ediblər.
Tədbirin əsas məqsədi gənclərə daim qayğı ilə yanaşan Ulu Öndərin xatirəsini yad etmək, gənclər üçün yaradılan imkanları diqqətdə saxlamaq, həmçinin ali və orta ixtisas təhsil müəssisələrinin tələbələrini bir araya toplayaraq onlar üçün stressdən kənar mühit formalaşdırmaq imkanı yaratmaq olub.
Tədbir müxtəlif rəqs kompozisiyaları, müğənnilərin və dj musiqilərinin səsləndirilməsi ilə davam edib.
Konsert proqramında gənc müğənnilər müxtəlif mahnılar səsləndiriblər.
Sonda tələbələr üçün müxtəlif viktorinalar və yarışlar keçirilib. Qalib gələn tələbələrə mükafatlar təqdim olunub.
