Xətai rayonunda uşaqlar üçün “Tıq-Tıq xanım” kukla tamaşası nümayiş olunub.
12 avqust 2025 | 22:29
Xətai rayonunda 12.08.2025-ci il tarixdə Heydər Əliyev adına istirahət parkının amfiteatr səhnəsində rayon İcra Hakimiyyəti, Mədəniyyət Nazirliyi, Bakı şəhər Mədəniyyət Baş İdarəsinin təşkilatçılığı ilə uşaqların sevimli nağıllarından biri olan “Tıq-Tıq xanım” kukla tamaşası nümayiş olunub.
Ənənəvi Azərbaycan nağılı əsasında hazırlanan tamaşa kiçik tamaşaçılarda böyük maraq doğurub. Maraqlı süjet xətti, rəngarəng kuklalar və peşəkar ifa tamaşaçılar – xüsusilə də uşaqlar üçün əyləncəli və mənalı bir gün yaşadıb.
Tədbirin əsas məqsədi uşaqların mədəni-estetik zövqünün formalaşdırılması, onların milli dəyərlərə və ədəbiyyata marağının artırılması olub. Kukla tamaşası balaca tamaşaçılarla yanaşı, valideynlər tərəfindən də yüksək qiymətləndirilib.
Qeyd edək ki, bu kimi mədəni tədbirlər Xətai rayonunda mütəmadi olaraq həyata keçirilir və uşaqların asudə vaxtının səmərəli təşkili istiqamətində mühüm rol oynayır.
Keçidlər
