Xətai rayonunda Vətən Müharibəsi şəhidlərinin xatirəsi yad edilib
07 oktyabr 2024 | 16:08
07 oktyabr 2024-cü ildə Vətən Müharibəsi şəhidləri Şükrani Şükran Rüfət oğlu, Məhərrəmov Fərid Asif oğlu, Quliyev Rəşad Rəşid oğlu, Kərimov Sənan Rəhman oğlu və Əbdürrəhmanlı Sübhan Mahir oğlunun anım günündə məzarları rayon ictimaiyyəti tərəfindən ziyarət olunub, xatirələri yad edilib.
Tədbirdə rayon İcra Hakimiyyətinin başçısı Rafiq Quluyev, Milli Məclisin deputatları Qüdrət Həsənquliyev, Vüqar Rəhimzadə, Pərvanə Vəliyeva, şəhidlərin ailə üzvləri və ictimaiyyət nümayəndələri iştirak ediblər.
Tədbir iştirakçıları şəhidlərin məzarı üstünə əklil və gül dəstələri düzüb, ehtiramlarını bildiriblər.
Rayon İcra Hakimiyyətinin başçısı Rafiq Quluyev şəhid ailələri ilə söhbət edib, onların qayğıları ilə maraqlanıb.
Şəhidlərin ailə üzvləri göstərilən diqqət və qayğıya görə ölkə rəhbərliyinə minnətdarlıqlarını bildiriblər.
Allah şəhidlərimizə rəhmət eləsin!
Keçidlər
